પેરિસમાં ઓલિમ્પિક ગેમ્સ શરૂ થઈ રહી છે , ત્યારે સો વર્ષ પૂર્વે 1924 માં પેરિસમાં રમાયેલી ઓલિમ્પિકમાં ભારતનું પ્રતિનિધિત્વ કરનાર પ્રથમ મહિલા ટેનિસ પ્લેયરને યાદ કરીએ.
નામ એનું મહેરબાઈ ટાટા ! હા, એ જ. દેશના પ્રતિષ્ઠિત ટાટા પરિવારના સર જમશેદજી ટાટાના મોટા પુત્ર સર દોરાબજી ટાટાના પત્ની. આજે પોતાની પ્રગતિ અને સત્કાર્યોને કારણે દુનિયાભરમાં જાણીતી આ કંપની માટે એક સમય એવો પણ આવેલો કે જ્યારે નાણાંના અભાવે એ ડૂબવાની તૈયારીમાં હતી. આ સમયે પોતાના કીમતી દાગીના અને ખાસ તો લગ્નમાં ભેટ મળેલ 245 કેરેટનો જુબેલી ડાયમંડ ગીરવે રાખીને ટાટા આયર્ન એન્ડ સ્ટીલ કંપની લિમિટેડને બચાવનાર તે આ મહેરબાઈ !
લેડી મહેરબાઈ એ સમયે પણ જમાનાથી ખૂબ આગળ ચાલનાર મહિલા હતાં. તેમણે બાળ વિવાહ, મહિલા મતાધિકાર, કન્યા કેળવણી અને ઘૂંઘટ પ્રથા નાબૂદી જેવાં મહિલા સશક્તિકરણના અનેક કાર્યો માટે ઝુંબેશ ચલાવેલી.
ટેનિસ અને ઘોડેસવારીના શોખીન મહેરબાઈ ૧૯૨૪ માં રમાયેલી પેરિસ ઓલિમ્પિકમાં મિક્સડ ડબલ્સ ટેનિસ પ્લેયર તરીકે ભારતનું પ્રતિનિધિત્વ કરનાર પ્રથમ મહિલા હતાં. મજાની વાત તો એ છે કે ઓલિમ્પિક સહિતની તમામ ટેનિસ મેચ એ પારસી સાડી પહેરીને રમતાં.
More Stories
વાર્તા મોબત ખપે ટી સેન્ટર ની………
અબ્બાસ દાના હવે સ્મૃતિ વિશેષ : તુમ્હારા નામ લિયા થા કભી મહોબ્બત સે મીઠાશ ઉસકી અભીતક ઝબાનમેં હૈ.
Jennifer Lopez : ફિર તેરી કહાની યાદ આઈ !