સુરતના સૈયદપુરાનો અનોખો મહોબ્બત મહોલ્લો

ગામમાં પિયરીયું ને ગામમાં સાસરિયું મળે તો દીકરીઓ ખુશ થઈ જાય પણ અહીં તો મોટાભાગની કન્યાઓને એક જ શેરીમાં સાસરુંને પિયર બંને છે.

શ્રી કણબી કાછિયા સમાજની વસ્તી લગભગ 1800 થી 2000 લોકોની, એટલે કે આખી જ્ઞાતિમાં ગણીને 327 કુટુંબો! એમાંથી 70 કુટુંબ તો આ શેરીમાં રહે છે. આ 70 માંથી 48 કુટુંબોમાં અંદરોઅંદર લવ મેરેજ થયાં છે. પાડોશીની સાથે કુટુંબ જેવો વ્યવહાર હોય એવું તો સાંભળ્યું છે પણ અહીંના મોટાભાગના પાડોશીઓ વચ્ચે વેવાઈ – વેલાનો સંબંધ છે. વાટકી વ્યવહાર અહીં પાડોશીઓ વચ્ચે નહીં, વેવાઈઓ વચ્ચે ચાલે છે.

એક વડીલ કહે છે કે, અમારી શેરીમાં અંદરોઅંદર લવમેરેજની પરંપરા વડવાઓના સમયથી ચાલે છે. એનો ફાયદો એ છે કે, છૂટાછેડાનો રેશિયો અહીં શૂન્ય છે. નાનામોટા કૌટુંબિક અણબનાવો થાય તો વડીલો એનું સમાધાન લાવે છે.

સુરત જવાનું થાય તો અચૂક આ શેરીની મુલાકાત લેજો , કેટલીય પ્રેમકહાનીઓ તમારી રાહ જોઈ રહી છે.