અમેરિકામાં દર વર્ષે નવેમ્બરના ચોથા ગુરુવારે Thanks Giving Day ઉજવવામાં આવે છે. વિશ્વના અન્ય દેશોમાં પણ વરસના જુદા જુદા દિવસોએ ‘કૃતજ્ઞતા દિન’ની ઉજવણી થાય છે. પશ્ચિમ અને યુરોપના દેશોમાં આ એક મહત્વનો તહેવાર ગણાય છે.

આ તહેવારના મૂળ બાઈબલ સાથે જોડાયેલા છે.અમેરિકાના પૂર્વ પ્રમુખ અબ્રાહમ લિંકને ૧૮૬૩માં આ દિવસને રાષ્ટ્રીય જાહેર રજા તરીકે ઘોષિત કરેલ. પોતાના પાપનું પ્રાયશ્ચિત અને ઈશ્વરે અર્પેલ સર્વસ્વ માટે વ્યક્તિ આ દિવસે પ્રભુ પ્રત્યે આભાર, કૃતજ્ઞતા વ્યક્ત કરે છે.

દેશના પ્રમુખ આ દિવસને એક વિશેષ પરંપરાથી ઉજવે છે.આ તહેવારના પ્રારંભથી જ અમેરિકામાં લગભગ તહેવારોની સીઝન શરુ થઇ જાય છે અને અમેરિકન્સ ફેસ્ટીવીટી મૂડમાં આવી જાય છે.

પરંપરા મુજબ અમેરિકન પ્રમુખ આ દિવસે માંસાહાર માટે ઉપયોગી બે પ્રાણીઓને જીવતદાન બક્ષે છે.

ગઈકાલે પ્રમુખે પોતાના જન્મ દિવસની ઉજવણી પ્રસંગે અને Thanks Giving Dayની પૂર્વ સંધ્યાએ લીબર્ટી ( LIBERTY)અને બેલ ( BELL)નામના બે ટર્કીને જીવત દાન આપ્યું.

લગભગ ૨૦ સપ્તાહની આયુષ અને ૪૨ પાઉન્ડ વજન ધરાવતા આ બે પ્રાણીઓને જીવતદાન બક્ષતી વેળા પ્રમુખે જાહેર કર્યું કે “I hereby pardon Liberty and Bell”

કોઈના મોઢાનો કોળીયો બની જનારા આ પ્રાણીઓને જીવતદાન બક્ષવાની આ ‘પ્રતીકાત્મક પ્રથા’ મને તો ગમી ગઈ છે.
આ પ્રથા એટલું તો સૂચવે છે કે નિર્દોષ પ્રાણીની હત્યાયોગ્ય નથી. પ્રાણીઓને મારીને ઉત્સવ ઉજવવા કરતા પ્રાણીઓને જીવતદાન અર્પીને તહેવાર ઉજવવો એ વધુ સારું છે. ઓ કે , but, પ્રશ્ન એમ પણ થાય કે શું બાઇડન માંસાહાર નહિ કરતા હોય ?